【期匯決算】金價難估頂

【Now財經台】美國總統特朗普(Donald Trump)指中美打緊貿易戰，但財長貝森特(Scott Bessent)又話雙方仍有得傾，資金繼續流入貴金屬，金價好大機會連升9周，如果情況持續，金價係咪都好難估頂？

外匯策略專家張建泰指，依家金價係升唔停，美國聯儲局再減息嘅意向明確，而中美貿易戰令市場避險情緒升溫，資金湧入金市避險，而部分投資者見各國央行繼續買金，又跟隨入市，令金價向上動力好強，相信要未來要有1個明確因素，令大盤take profit，金價升勢先會停，明年要上到每盎司5000美元都冇乜難度。