【期匯決算】日央行年底加息機會微

【Now財經台】日本下任首相選舉投票在即，日本3大在野黨今日(15日)開會，磋商係咪一齊推舉玉木雄一郎，硬撼首相候選人高市早苗，美元兌日圓一度跌穿151。

東亞銀行財富管理部高級投資策略師黃燕娥認為，政局不穩對日圓衝擊最大，導致日圓過去一周跌得比較急，佢相信無論邊個成為日本下任首相，日本央行都會實施寬鬆貨幣政策。佢分析指，以日本現時嘅經濟條件、美日貿易協議影響及日本通脹，都令加息條件唔算太充裕，因此，佢認為日央行年底加息機會唔大。

Angela又話，中長線而言，要視乎日央行貨幣政策，以及美國聯儲局持續減息嘅意向，只要日央行仍有加息意欲，即使速度較慢，都可以令收窄息差。