【期匯決算】金價3250美元有較大支持

【Now財經台】金價今日(22日)有返少少動力，現貨金價曾升穿每盎司3400美元，衝上近1個月高位，今朝一度高見3402美元，但最新又掉頭向下。美國白宮最新指，總統特朗普(Donald Trump)可能會喺8月1日前向貿易伙伴發新關稅信，避險因素會唔會再推高金價？上望空間大唔大？

信誠證券及期貨投資服務部董事蕭猷華認為，金價喺3400美元樓上有好大阻力，關稅因素亦已經反映晒，4月以嚟一直喺一個大型橫行區間上落，其實3400美元未試過可以企穩多過1日，翌日已經跌返落嚟，證明投資者對喺呢個水平買入係卻步，由於之前嘅利好因素已反映晒，依家要等1個新催化劑出現，先有機會突破3500美元。

佢又估計，金價短期會將回落，但喺3250美元水平會有較大支持。