【期匯決算】日本選舉結果帶挈Yen反彈？

【Now財經台】日本參議院改選，自民黨創黨以來首度同時失落參眾兩院控制權，極右陣營就成為今次選舉贏家，外界關心改選結果會唔會拖累日本資產價格，日圓匯價今日(21日)轉強，反彈可唔可以持續？

ATFX亞太區首席分析師林銘添指，自民黨未能成功執政，對日本嚟緊嘅經濟及貨幣政策，甚至美日政治關係都有影響，不過，日本股市今日假期休市，所以市場反應未必太激烈，但呢啲不穩定因素或會拖低日股。

Martin又話，日本依家嘅「去美國化」，有機會令日本央行減持日本債券，導致美國債券價格下跌及日圓升值。此外，如果今個星期出爐嘅消費者物價指數(CPI)顯著上升，有機會加大日央行嘅加息壓力，繼而令日圓升值。

佢認為，美元兌日圓會喺149至150遇阻，未來亦有機會挑戰147或146水平。