【期匯決算】黃金以短炒為主

【Now財經台】國際金價昨晚(16日)一度迫近每盎司3380美元，喺環球局勢仍然唔明朗之下，金價係咪會持續波動，後市應該點部署？

1uptick Analytics首席分析師杜浩霆指，金價依家行緊上落市，處於一個震盪格局，關稅暫緩但談判繼續，令金價高企3300美元，加上美國6月消費物價指數(CPI)有少少反彈，減息問題仍處於拉鋸局面，佢估計，金價喺7月30日前都會喺高位震盪，建議投資者把握呢個局勢做波動操作，以短炒為主，盡量避免做中長線部署。