【期匯決算】美匯短線阻力睇99.5

【Now財經台】美國6月消費物價指數(CPI)升至2.7%，超預期，美匯指數衝上3周高位後，喺98.7水平遇阻，據最新利率期貨顯示，聯儲局9月減息機會跌至約50%，減息預期降溫係咪可以為美元帶嚟支持？

東亞銀行財富管理部高級投資策略師黃燕娥指，市場消化緊美國通脹微升嘅消息，有機會令美國減息步伐放慢，美國對貿易伙伴嘅關稅仍未確定，只係將「死線」推遲至8月，由於通脹只係微升，應該仍未反映實施關稅對經濟嘅影響。

佢續指，CPI出爐後，市場估計，9月減息機會唔大，可能要等到10月才減息，預期今年餘下時間會合共減息兩次。此外，如果關稅談判唔順利，美匯指數短期會受壓，阻力暫時睇99.5水平。