【期匯決算】Yen中短線150至152有支持

【Now財經台】日本國債孳息全線扯高，10年期債息升至2008年以嚟高位，喺周日(19日)參議院選舉前債市波動，債券遭拋售，市場除咗憂慮執政黨係咪可以保住大多數議席，亦擔心政府開支會加大，日圓守唔守到147？

連連STAR FX總經理陳欣指，選舉對Yen產生唔少壓力，如果呢次執政黨失咗優勢，會加大日本整體財政壓力，Yen有機會持續回落，佢估計，Yen未來持續偏弱，中短線可能喺150至152水平有支持，會喺144水平或142遇阻。