【期匯決算】銀價短線繼續睇升

【Now財經台】銀價近日持續向上，繼上周五(11日)升4%後，今日(14日)升勢持續，升上2011年9月底以嚟高位，近來上升動力明顯大過金價，銀價未來仲有幾多上升空間？

獨立外匯商品分析師譚家康指，金及銀都係貴金屬，金價4月抽升後，令兩者差距擴大，但最新已收窄返少少，相信係因為工業用途及晶片需求增加帶動，令開採利潤提升，若勢頭keep到，短線仲有得升。