【期匯決算】若美國7月減息 美匯指數或下試95

【Now財經台】7月開局，美國參議院通過美國總統特朗普(Donald Trump)「大而美」減稅法案(One Big Beautiful Bill Act)，另一方面，特朗普否認延長關稅協議期限，美匯指數失守97水平，不明朗因素愈來愈多，係咪會進一步削弱市場對美元嘅信心？

ATFX亞太區首席分析師林銘添指，投資者要留意美國經濟狀況，以及關稅政策會唔會令通脹反彈，近日市場焦點係美國將會公布嘅重磅就業數據，市場估計失業率將輕微上升，或會加快聯儲局減息步伐，屆時美匯指數就會向下。

Martin又話，若聯儲局7月宣布減息，佢估計美匯指數會考驗95水平，甚至有機會跌穿，若美國經濟衰退令就業市場放緩，聯儲局今年或需再減息2至3次，以令美元進一步受壓，美匯指數將受制於97至98水平。