【期匯決算】聯儲局短期減息阻力大

【Now財經台】美國聯儲局好重視嘅核心個人消費支出(PCE)物價指數，將會喺周五(27日)出爐，據FedWatch最新估計，7月減息機會僅約18%，雖然依家機會唔大，但如果下月爆冷減息，加上愈來愈多新興國家央行對持有美元態度存疑，美匯指數係咪有機會跌多浸？

東亞銀行財富管理部高級投資策略師黃燕娥指，最近聯儲局主席鮑威爾(Jerome Powell)向市場釋出一個訊號，就係美國關稅政策或會推高通脹，所以要等通脹前景明朗後，先可以有下一步行動。不過，由於美國同其他貿易伙伴嘅關稅問題仍然膠著，所以短期嘅減息阻力會較大。

Angela又預期，美匯指數會因唔同消息波動，並估計聯儲局第3季末或第4季減息機會較大。