【期匯決算】Yen短期難顯著轉強

【Now財經台】東京地區5月核心消費物價指數(CPI)，按年升3.6%，錄得2023年1月以來最大升幅，整體CPI就升3.4%，符預期。日本經濟大臣赤澤亮正前往華盛頓，進行新一輪日美貿易談判，預期會同美國財長貝森特(Scott Bessent)會面，若日美談判有進展，會唔會支持日圓再轉強？

瑞穗銀行首席亞洲外匯策略師張建泰指，如果貿易談判達成協議，日圓有機會升值，另外亦要關注日本央行會唔會加快加息步伐，其實今年加息都係合理，因為東京通脹高過預期，工資升幅亦符合預期，但現時市場反而認為今年加機會唔大。

Ken又話，當市場覺得升值風險仍然存在，套利交易未必可以將日圓推得更高，如果短期貿易談判冇進展，或加息條件唔明朗，日圓會繼續區間波動。