【期匯決算】銅價有機見10000美元？

【Now財經台】倫敦金屬交易所(LME)期銅昨日收市微跌，但其實早段有得升，似乎係受中國銅庫存有上升跡象嘅消息拖累，中國需求復甦情況係咪開始出現變化？銅價有冇機會突破現時每噸9600美元水平？

環球期貨交易所客席講師鍾俊鏘指，中國係全球最大銅消費國，上海銅庫存5月初開始自低位反彈，今年整體庫存較去年少咗好多，反映整體需求較去年大，短期難免會比較波動。

Joe又話，最近銅價企穩9600美元水平，並開始進入強勢盤整，短期上升通道底部及20天線水平，即9500美元會有支持，若後市有利好消息，刺激銅價進一步突破，甚至抽升至1萬美元水平。