【Now財經台】本港未來4年甲級寫字樓新供應達400萬平方呎，新設計趨勢點樣增加靈活度，繼而為資產增值？
仲量聯行香港項目發展服務部主管黃天賜指，現在發展商設計新甲級寫字樓有3個重點，第1是可持續發展(ESG)，即減碳減排，幫助客戶達成「碳中和」目標，第2是提升員工體驗，好多企業唔再當寫字樓只係一個辦公空間，而係一個吸引人才，鼓勵同事在辦公室互動嘅地方，更講求公共空間配置，第3是「以人為本」，大部分機構希望為客戶提供一個舒適空間，所以要有足夠自然採光，足夠運動空間等。
佢又提及，為增加施工彈性，發展商會做更多開放式Office，員工可以自由選擇辦公空間，又或者「即用即裝」嘅模組，令一個5000平方呎嘅公共空間，變出8至10個scenarios。
黃天賜又指，現時人工智能(AI)喺本港寫字樓嘅應用，基於隱私問題而不算普及，但亦見到有企業透過使用AI環保系統，可以慳到10%冷氣成本。
