【全民打新】先導智能下周首掛最盡升20%？

【Now財經台】全球最大鋰電池智能裝備供應商，寧德時代(03750)及美國電動車龍頭Tesla供應商先導智能(00470)，公開招股今日(6日)截飛，預期下周三(11日)掛牌，而集團本身已經喺A股上市。集團2024年全球市佔率15%，係鋰電池產業鏈之中嘅龍頭之一，集團收入一直保持增長，點睇呢隻新股嘅前景？

紅蟻資本投資總監李澤銘指，先導智能定位特別，競爭對手唔多，加上鋰電池基地喺內地，有地理優勢。集團主要客源係電動車企業，依家喺人工智能(AI)熱潮下，公司生意更多，因為數據中心儲能及新能源儲能對鋰電池嘅需求增加。

但Alan提醒，相對於AI企業，鋰電池股嘅想象空間有限，增長亦相對平穩，又認為先導智能H股表現唔及A股，估計掛牌首日炒高10%至20%。