【智識賺】加密貨幣第4季例升？

【Now財經台】兩大加密貨幣比特幣(Bitcoin)及以太幣(Ether)過去1周都要跌，Bitcoin微跌0.39%，以太幣就跌3%，後者今朝(22日)跌幅更顯著，一度挫4%，美國聯儲局重啟減息周期，虛擬幣市場似乎相對平靜，到底今次減息對加密貨幣市場有咩響？

亨達虛擬資產及財富管理董事總經理鍾駿指，睇返數據，金價創新高後，虛擬貨幣其有少少滯後，但以太幣異動同呢啲消息冇太大關係，而跌4%亦算輕微，佢認為只係正常反應。

Stephen又話，一般嚟講，加密貨幣反應激烈未必同減息有關，反而同唔同經濟體嘅貨幣政策係咪寬鬆有關，所以投資者要多啲留意唔同國家嘅政策，例如加密貨幣儲存方式、儲備方案等，如果睇返往績，加密貨幣喺第4季一般表現唔錯，所以未來可以繼續關注。