【輪證贏家】25000點攻防戰

【now.com財經】上個星期五(7月18日)無睇指數，因為早段出文時指數都未係好見到方向，所以揀咗隻下個星期三(30日)出業績嘅滙控(00005)。

按計劃喺上個星期下半場開市後見股價回落到小時圖10線，啟動咗滙豐牛(68629)嘅出場訊號。呢一注落場都要預多少少時間，就係等佢份業績；同步Set好用小時圖中軸做下方量度線。

噚日呢個10號波嚟得快又走得快，被佢搞到好似全日只係喺屋企陪我家肥貓，但都好似忙足一日咁...同恒指一樣好似有啲趕急，未完U時見住條期貨已經爬到上25,000點樓上。

完U後恒指開升165點，報24,991點，第一層熊證街貨全數被收回，但望一望第二層熊證24,900至24,999點，當中最大收回價只係去到24,990點，換言之今朝呢口開市價其實已經將首兩層熊證街貨全數收回。

及至開市後5分鐘，指數已經爬上25,000點樓上，已經唔止係創咗年內新高，直情係2022年2月以來再高位；不過，暫時見25,000點呢個位都係未企好穩，再去到9點45分，指數有再上多一次25,000點，所以暫時作戰室都只係用住指數嘅高低位嗰80點嚟玩來回Swing。

10點打後見恒指小時圖都仲係喺高位定住，睇嚟今日都係玩25,000點攻防戰，作戰室目前換以五分鐘圖保歷加頂線同10線玩住Swing Trade先；但都開始玩到變三角形，到時大家應該會做住嘢先，等出到方向先至再埋位。

至於隻滙控，今朝完U後見逆市低開，又未至於涼咗一截嘅，少少想鬧人咁囉。但到依家見佢都抽返上去，仲一度升穿小時圖條保歷加頂線，望就望佢借到10線再上啦！數住格仔可以，lock住中軸做下方量度線係一定要！

作者阿珊，以技術分析專心玩輪證，唔貪心，努力賺取我家肥貓罐罐。

直接去Patreon搜尋「cbbcwar」領取七日免費試用即市作戰教室

資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。