【輪證贏家】恒指熊貪心鬼下望肥牛

【now.com財經】噚日隻恒指熊(56968)喺下半場全場時間一直都低走條小時圖100線，以上半場出場後計，喺下半場是但一個位走貨都有正數收到。

如果再帶到今朝嘅話，咁今朝低開17點之後指數向下落到23,207點兼喺五分鐘圖上出平底，就真係要走人，事關呢個平底將指數一口氣反手抽高過百點，依家9點44分，恒指已經爬返上23,362點，升102點。

可能喺今朝有單新聞話美法院裁定特朗普越權，下令禁實施對等關稅；同埋馬斯克棄船：作為政府特別僱員的時間已到尾聲。所以今日指數先抽返上去，10點未到作戰室先淡後好兩轉做完之後，先攬住今日嘅正數格仔再等10點後，睇下指數企唔企得穩小時圖嘅中軸線。

10點後有見指數企高於中軸線但都未係見到好穩，於小時圖上亦開始畫得到指數有出「平底三角形」。呢啲通常都係等爆邊。

本來諗住係可以用個街貨圖嚟度下見下方牛證重貨又近，向住呢個方向追過去嘅話理應出淡倉嘅，用返(56968)唔反對，收回價23,700點，同價有約330點距離，約45.7倍槓桿夠做Day Trade，街貨唔多嘛~

留意五分鐘圖走勢，隨時要等一等Slow STC(14.3)上到超買位先有位出動，

作者阿珊，以技術分析專心玩輪證，唔貪心，努力賺取我家肥貓罐罐。

直接去Patreon七日免費試用即市作戰教室://www.patreon.com/join/cbbcwar

資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。