【網購注意！】SHEIN迎戰5‧2加關稅 呢樣貨品加價3.7倍

【Now財經台】美國今個星期五(5月2日)就會取消中國內地小額包裹關稅豁免，內地跨境電商平台SHEIN喺上調關稅進入倒數階段時出手應對。

SHEIN喺美國嘅產品全線加價，加幅最高逾3.7倍，有外媒統計顯示，公司大部分貨品其實喺上星期五(25日)已經加價，其中，美容及保健類首100款熱賣貨品，平均價較上星期四(24日)加咗逾50%，部分更加咗1倍，家具用品及玩具就平均加價逾30%，其中，加幅最驚人係一套10件嘅廚房毛巾，大幅加價逾3.7倍。不過，女裝衣服只係加咗8%。