【中國建設銀行(亞洲) 呈獻:FINTERVIEW】關稅風波唔影響Fed利率決策？(上)

【Now財經台】美國關稅政策再有變，市場一方面關注特朗普(Donald Trump)政府會唔會改用唔同法例，推進新一輪關稅措施，另一方面擔心貿易不確定性或拖累經濟，對美元走勢及聯儲局3月議息有咩影響？

星漢資產管理行政總裁王榮昆指，美國關稅同減息冇太大關聯性，聯儲局減唔減息主要睇就業數據及消費物價指數(CPI)等核心數據，因此，佢唔認為聯儲局現階段有好大誘因減息，雖然呢兩日市場充斥關稅相關消息，但市場嘅減息預期冇出現太大變化。

James又話，關稅政策走向更多同美國財政政策掛鈎，過去3個月，美國政府收到嘅關稅，好大程度上可以用嚟抵銷美債利息，甚至有盈餘，其實呢個情況已經好耐冇見過，如果華府要退還關稅，意味政府嘅利息負擔會再加重。