【中國建設銀行(亞洲) 呈獻:FINTERVIEW】MPF配置唔少得亞股？(上)

【Now財經台】過去幾年強積金回報相當唔錯，去年更創新高，人均賺4.5萬元。雖然金融市場近期受地緣局勢變化，以及各項大事件影響，但強積金回報繼續有好表現，主要靠咩市場或資產帶動？

強積金顧問公司GUM常務董事陳銳隆表示，去年美國總統特朗普(Donald Trump)上場後，不停加徵關稅，令市場憧憬消退，導致年初時金融市場表現非常差。不過，今年開局唔錯，強積金錄得約3%回報，人均賺約1.1萬元。

佢續指，踏入2月，由於通脹降溫，加上特朗普提名聯儲局前理事沃什(Kevin Warsh)接任聯儲局主席，市場預期美元會向下，債券上升。此外，市場憧憬下月召開嘅「兩會」，加上特朗普將會喺4月訪華，都會為市場營造良好氣氛。

Michael建議，如果投資者想配置好啲，亞洲股市係一個唔錯嘅選擇，近期日本及南韓股市都升得好犀利，港股升勢相對較慢，佢認為，日股仍有上升空間。