【FINTERVIEW】港股步入業績後升勢有隱憂因為...(上)

【Now財經台】港股自從突破阻力24500點阻力位，站上25000點後，恒生指數繼續上衝，昨日(24日)已連升5個交易日，累升逾千點，究竟係咪因素持續推升大市？點睇下半年走勢？

瑞銀財富管理投資總監辦公室大中華區股票主管李智穎指，因為日本、歐洲等地同美國傾出嚟嘅關稅都比預期低，所以市場就對中美關稅談判有憧憬，亦成為今個星期較重大嘅利好消息，不斷推升大市。

展望下半年，Eva認為，擔心踏入業績期之後，呢啲利好消息撐唔住依家嘅亢奮狀態，因為電商平台喺第2季開始打「外賣價格戰」，提供補貼會影響企業盈利，而香港嘅電商佔比大，所以估計呢幾家公司2025年盈利將會下跌，繼而拖低股價，加上「價格戰」唔係一個短期競爭，即使政府可能出手干預，令戰況暫時可以紓緩，但中長線而言，企業為咗保住市佔率，呢類競爭仍會存在。

Eva補充，上半年家電及電動車板塊造好，但2026年係咪繼續提供補貼？電動車下半年需求係咪旺盛？呢啲因素都會影響大市下半年整體表現。