【FINTERVIEW】恒指下半年最多睇升10%？(上)

【Now財經台】恒生指數連日上試25000關，昨日(22日)收市終於成功突破兼企穩25000點，係3年半以嚟首次，大市今早(23日)繼續上衝，一度高見25348點，港股持續強勢，突破25000關後，仲有幾多上望空間？

摩根資產管理亞太區首席市場策略師許長泰認為，由於A股及港股過去幾年相對令投資者失望，加上美國政策太多變數，令環球投資者開始喺全球分散股票配置。

Tai又指，資金未必會大舉流入美國，不過，今年明顯見到投資者對亞洲、歐洲或其他新興市場嘅需求增加，所以預期恒指下半年可能只得5%至10%上升空間仍算合理。