【FINTERVIEW】大價股失動力 恒指升極有限(上)

【Now財經台】港股繼續突破，恒生指數昨日(21日)一度衝破25000關，但收市企唔穩，今早(22日)再挑戰呢位重要關口，再度成功突破，背後嘅主要動力及推動因素係咩？呢浸動力係咪可以持續？

星漢資產管理行政總裁王榮昆指，通常恒指會跟隨大價股行，過去1星期，大價股及衍生工具開始出現較多變動，所以預期恒指走勢會好轉，但今次成功突破25000點係有啲意外。

不過，James認為，大價股似乎開始失去動力，而大價股係以平台經濟股為主，但由於不同範疇嘅「內捲」政策仍未能分勝負，雖然呢啲政策可以谷消費，但James唔睇好呢種策略，因為冇人可以成為真正贏家，對消費平台嚟講，更加係一場「燒錢戰」，因此，佢認為呢類大型消費平台股缺乏上升動力，繼而影響恒指走勢。