【FINTERVIEW】內銀、國際金融股持貨比例各半(上)

【Now財經台】近期資金偏好內銀股，主要係憧憬高息環境，不過，內銀利率、信貸環境同外圍好唔同，單靠高息係咪可以繼續推高股價？若要分散風險，本港國際金融股有冇得諗？

資深證券業人士溫天納指，內地降準對資金流動性會有幫助，可以支撐房地產市場，紓緩不良資產及問題貸款。佢又話，內銀股有政策支持，表現較本地銀行股強勢，後者現正面臨房地產市場價值下調嘅挑戰，相比之下，國際金融股能分散風險，會比較吸引。

Ronald又指，內銀股有政策支持，中線會繼續造好，外圍銀行股就要留意美元走勢及經濟增長動力，佢建議，配置內銀股及國際金融股各一半，之後再參考業績，調整配置比例。