【FINTERVIEW】內地下半年GDP可繼續「保5」？(上)

【Now財經台】內地國內生產總值(GDP)數據今早(15日)出爐，第2季按年增長5.2%，成功「保5」，亦略高於市場預期嘅5.1%，上半年則按年增長5.3%，今年餘下時間可唔可以保持呢個增長勢頭？

滙豐私人銀行及財富管理北亞區首席投資總監何偉華認為，中國經濟增長受好多因素影響，例如關稅、投資、工業產出及內地不同政策，尤其係支持消費及針對「內捲」嘅政策。佢又指，第2季GDP反映上半年增長唔錯，預期內地下半年會維持上半年已公布嘅經濟政策，並繼續落實執行，當中涉及結構性改革。

Patrick續指，其實第2季GDP有唔少變數，例如關稅影響工業產出、全球經濟影響消費信心等，中間有好多波動性因素，所以好難用短短3個月嘅因素判斷未來發展。