【名家給力場】SpaceX首掛搶得太高照追有危險

【Now財經台】全球矚目嘅世紀IPO，美國富商馬斯克(Elon Musk)旗下SpaceX，預期會喺下周五(12日)首日掛牌，定價135美元，有冇預留水位？集團上市第1日應該點部署？

冠域商業及經濟研究中心主任關焯照表示，SpaceX屬於巨無霸，好大機會快速納入指數，都預咗搶爆。佢又話，若首掛當日股價高開10%至15%，可以當「上快車」，如果上市後幾日就納入指數，指數基金一定會掃貨，咁就要減持其他大型權重股，所以條路都好清楚，但如果開得太高就唔好追，因為會蠶食上升空間，如果照追貨就有危險，因為怕股價太Chok。

早前氣勢如虹嘅日本及南韓股市近日轉弱，其中，南韓股市今日(5日)挫逾5%，係咪股民沽貨獲利，套現部署買SpaceX？再加埋Google母公司Alphabet配股加碼，呢啲巨無霸Cap水會唔「抽」散個市？

關博士就話，SpaceX股票一定有人追，抽走咁多資金一定令市場流動性鎖緊咗，問題係...