【名家給力場】劉卓衡:聯儲局今年會繼續減息

【Now財經台】市場關注美國聯儲局10月會唔會再減息，事實上，當地勞動市場已出現疲態，而聯儲局主席鮑威爾(Jerome Powell)喺之前嘅議息會後記者會，都暗示一旦美國勞動市場疲弱情況超出通脹壓力，今年仍有進一步減息空間。聯儲局官員係咪仍傾向鴿派？

資深銀行家劉卓衡指，睇返聯儲局嘅官員架構本身都係偏鴿，加上通脹未升至3%水平，利率處於4.2厘至4.5厘，佢認為仍有減息空間。佢又話，現時美國經濟數據及勞動市場疲弱，通脹亦冇明顯上升趨勢，由成本引發嘅通脹會升得較慢，因此，現時透過減息令經濟動力回升，似乎係聯儲局當務之急。

劉卓衡續指，聯儲局今年仍有2次議息會議，估計2次都會宣布減息，幅度都係0.25厘。