【名家給力場】內地通縮問題棘手？

【Now財經台】內地7月內地居民消費價格指數(CPI)按年持平，反映上游生產物價嘅工業生產者出廠價格指數(PPI)亦按年持平，跌3.6%，已連跌34個月，點睇內地通縮問題？

思博資本高級合夥人張宗永指，內地通縮問題主要睇需求及供應兩方面， 政府政策主要集中喺供應，但如果唔提振需求，問題好難解決。佢又話，需求疲弱就同信心不足有關，呢個問題牽連多個行業及整體經濟，唔係只針對1個行業或單一政策就可以解決。

佢又話，內需不足、產能過剩及貿易戰，都會令通縮壓力加劇，以產能過剩為例，過往中國發展期間追求擴大市場規模，寧願犧牲利潤去「做大個餅」，但依家市場增長放緩，利潤問題就會浮現，例如電商行業就係有各大企業集中市場份額，但利潤較低，舊有商業模式好難喺短時間內轉型，導致通縮更明顯。