【名家給力場】炒美股人氣股忌低撈要搭「順風車」

【Now財經台】今晚(12日)係美國公布7月消費物價指數(CPI)嘅大日子，呢項重磅經濟數據點樣影響後市？標指及納指繼續企穩喺高位，有人認為美股已貴到唔合理，亦有人認為企業盈利增長理想，所以頂得住，點睇美股估值？

資深投資者莫家強指，CPI數據會左右美國聯儲局嘅減息決定，對股市影響好大，因為低息令企業借錢更易，讓更多資金流入股市，若聯儲局減息步伐加快，唔止美股，全球股市都會受惠。

佢又指，股價對自由現金流比率(P/FC比率)更能反映公司嘅賺錢能力，現時美股升勢側重科技股，股價自然更高，但非科技股股價仲喺合理水平。

莫家強認為，雖然美股唔平，但升得好嘅通常都係貴價股，不過，佢提醒「趁低吸納」呢啲人氣股唔係明智之舉，建議投資者採用「順風車」策略為主，趁升勢勁買入更佳。