【名家給力場】穩定幣在港發展潛力有幾大？

【Now財經台】美國踏入「加密貨幣周」，眾議院本周將審議多條涉及加密貨幣嘅監管法案。另一方面，本港《穩定幣條例》將於8月1日生效，屆時金融管理局將會接受穩定幣嘅發行商申請牌照，點睇穩定幣喺香港嘅發展空間及潛力？

IDA愛達主席王仕雄指，穩定幣係區塊鏈中重要一環，喺Web 3生態圈中，債券、存款、房地產、藝術品等產品都可以代幣化。穩定幣普及化之後，一般投資者都可以接觸呢樣投資產品。

王仕雄又話，若「一帶一路」沿線國家都發展穩定幣，本港就可以利用喺中國出口貿易中擔任轉口港、「超級聯繫人」嘅重要角色，幫助「一帶一路」嘅國家發展穩定幣用作跨境支付。