【名家給力場】內房已「轉危為安」

【Now財經台】內地上半年新建商品房銷售面積及金額按年都要跌，但國家統計局指，跌幅較去年同期已收窄咗，又話未來要用更大力度穩住樓市。依家內房正朝著止跌回穩嘅方向走，國統局又話，房地產築底需要一個過程，喺築底及轉型階段有起伏波動係好正常，你同唔同意呢個睇法？其實內地大部分城嘅樓市政策都鬆綁咗，但仍見唔到有明顯起色，會唔會睇得太樂觀？

廣東省地產商會副會長尹德輝指，內地用咗唔少時間去觀察剛性需求趨勢，後來就發現要做調控，現階段嘅結果已經係將瀕死嘅房地產「轉危為安」。佢又話，跌唔一定係壞事，要注意物極必反嘅定律。

尹德輝續指，要抛棄房地產投資一定會升嘅觀點，喺中央過去幾十年大力扶持下，對房地產產生咗好大影響，以內需為主，投資及出口為輔，依家嘅結果已經唔錯，不存在太樂觀嘅問題。