【名家給力場】張泰強:美國今年仍會減息兩次

【Now財經台】中東局勢暫時緩和，美股繼續造好，聯儲局主席鮑威爾(Jerome Powell)就話，美國總統特朗普(Donald Trump)嘅關稅政策，好可能令通脹出現一次性上升，喺呢個情況下，聯儲局仲有冇機會減息？

資深銀行家張泰強估計，聯儲局下半年會減息兩次，之前幾次議息會議都按兵不動，除咗基於經濟因素嘅考慮，仲要睇政治環境，預期7月會減息1次，幅度0.25厘，之後年底再減1次，同樣係0.25厘。

佢又話，聯儲局其實等緊合適嘅通脹數字，因為未來嘅國際大融資，美方希望可以營造一個友善環境，去吸引投資者買美債，而會唔會出現通脹危機，就好視乎特朗普同貿易伙伴嘅談判結果，目前嚟講仍會有啲拉扯。