【名家給力場】「新潛力股王」Uber一個DNA最煞食

【Now財經台】繼續玩美股尋寶遊戲，資深投資者莫家強繼之前揀咗Netflix(NFLX)後，今次就睇好喺美股高風險高增長嘅Uber(UBER)，仲認為呢隻股份具備「新一代股王」潛力，點解咁有信心？

資深投資者莫家強指，Uber呢間公司係高風險，佢未必會成功，但如果成功股價會較現水平升5倍，甚至更多都唔出奇，有時買股票唔一定買穩陣，Uber嘅潛在回報遠高過風險。點解會睇好Uber嘅潛質，股價會大升？因為公司有好大發展野心，除咗大家最熟悉可以Call車之外，亦有喺外國做外賣、貨運、B2B物流業務、廣告業務，最重要係要留意Uber One嘅會員制，人數係急速增長，每個月都要畀錢，意味每個月都有一個穩定嘅收入，而Uber就會提供一啲優惠比會員。

Alex又話，依家唔少巨企都有一個DNA，就係瓣數好多，不斷搵投資機會，唔會等一個業務飽和先再諗計，Uber都有呢個DNA，例如喺中東拓展無人駕駛的士業務。佢續指，Uber最值錢就係有好多會員、好多業務、好強大平台。

至於Uber有咩風險及缺點，Alex就話...