【入咗飛幾時退款？】百利天恒截飛前突煞停IPO

【now.com財經】正當本港新股市場降溫之際，主要從事創新生物藥、仿製藥及中成藥業務，本身已經喺A股上市嘅百利天恒(02615)，突然宣布推遲招股及上市時間，入咗飛嘅投資者要留意，認購款項會喺下星期一(17日)或之前退還。

集團表示，基於現時嘅市況，經徵詢整體協調人後，決定延遲全球發售，將不會根據招股章程進行。

百利天恒公開招股原定於今日(12日)中午截飛，預期下周一(17日)首日掛牌，高盛、摩根大通、中信証券出任聯席保薦人，今次IPO引入5名基石投資者，包括跨國藥企BMS、OAP III及GL Capital等，合共認購3200萬美元。