【愈難抽愈要搶】金葉國際超購逾9000倍 成新「超購王」

【now.com財經】雖然新股機制改革後，散戶要抽到心水新股嘅機會更細，但無損散戶嘅熱情。

剛剛喺今日(6日)中午截飛，本地機電工程承建商金葉國際(08549)，據券商初步估計，集團超額認購逾9000倍，超越大行科工(02543)嘅7557倍，成為史上新股「超購王」。

金葉今次計劃發行1億股，當中10%公開發售，招股價介乎0.45元至0.65元，集資最多約6500萬元，股份預期周五(10日)首日掛牌買賣。