【高市早苗交易】日股曾飆逾2100點 野村潑冷水批「唔襟升」

【now.com財經】高市早苗喺上周六(4日)當選日本自民黨首位女總裁，如無意外，好大機會喺10月15日嘅國會臨時會議中，被選為日本第一位女首相，日本股市今早(6日)勁升，日經平均指數一度飆2104點或4.5%，高見47873點，其後升幅略為收窄，最新報47757點，升1988點或4.3%。

不過，野村就大潑冷水，話「高市交易」應該唔會持續好耐，又指高市政府喺黨內外嘅政治根基都比較脆弱，推行通脹相關政策嘅空間唔大。