【快超去年歷史高位？】今年累計8000億北水湧入掃港股

【now.com財經】港股今年表現相當唔錯，IPO市場亦持續旺場，恒生指數今年暫時累升約28%，今日(22日)收市更成功突破兼企穩25000點，係3年半以嚟首次。大市持續暢旺，其中一個功臣肯定係北水。

據《彭博》報道，今年北水流入規模已高達8000億元，非常接近去年全年嘅8080億元歷史高位。

報道又指，恒生中國企業指數今年已累升24%，主要受3大因素推動，首先係DeepSeek引爆嘅科技突破，其次係全球基金配置嘅多元化需求，最後係內地投資者追求優質資產。

值得留意係，期內滬深300指數只係升咗逾4%，喺A股相對疲弱下，進一步強化南向資金嘅動能。