【王寧講海外發展大計】Labubu今年紐約Times Square見！？

【now.com財經】早前，內地呼籲加強盲盒監管，一度令泡泡瑪特(POP MART)(09992)嘅投資者及Fans好擔心，不過，集團創辦人王寧最新接受官媒《人民日報》訪問，大談公司及Labubu嘅「未來」。

王寧估計，集團今年海外銷售有望超越內地，增長速度更遠超預期，未來會透過設立4大區域總部，加快泡泡瑪特全球化，其中，希望將北美市場打造成新增長引擎，估計美國門市數目今年唔會少過50家，又計劃進駐紐約Times Square及第五大道(Fifth Avenue) 。王寧話，「出海」係一個系統過程，語言、文化及法規都需要適應。

佢又講到集團「皇牌」Labubu，指Labubu正處於由小眾走向大眾消貨品嘅過程，估計今年9月之後，Labubu每月銷售有機會達到1000萬隻。

此外，恒指公司將會喺8月22日公布季檢結果，雖然泡泡瑪特接連大熱倒灶，但中金仍預期，泡泡瑪特今次仍有機會「染藍」。

泡泡瑪特股價今日(21日)走勢反覆，最新報245.8元，無升跌。