【發盈警兼澄清】日本城母企:執笠唔係事實

【now.com財經】近期有唔少市民發現喺好多區嘅日本城分店，都出現「裝修清貨」或「租約期滿」嘅Banner，指定貨品更低至半價，由於近期不斷有食肆或零售商結業，隨即惹來執笠嘅揣測。

日本城母公司國際家居零售(01373)今日(14日)發咗盈警，預期全年最多少賺57%，仲順便澄清執笠疑雲。

集團今午發澄清公告，話公司全面結業傳言及猜測，內容與事實完全不符，公司只係進行全面業務改革，又指同業主積極傾緊減租方案，財務狀況穩健，處於淨現金狀態，營運資金流非常健康。

國際家居零售股價今日受壓，一度低見0.86元，大跌6.5%，收市仍跌3.2%，報0.89元。