【進軍巴西「爭食」？】美團遭南非股東Naspers一盆冷水照頭淋

【now.com財經】美團(03690)近年非常積極拓展國際業務，動作多多，不過，畀南非股東Naspers一大盆冷水照頭淋，包括唔睇好KeeTa發展大計，更聲稱可能減持美團股份，甚至清倉。

Naspers旗下Prosus嘅行政總裁Fabricio Blosis之前喺業績會提及美團時，指美團要喺國際市場做出成績唔太可能，又話集團面對非常激烈嘅競爭，自己作為股東都覺得失敗嘅風險大咗。

不過，Fabricio Blosis唱淡美團有可能因為對方係「新對手」，事緣美團近期宣布會喺未來5年，掟10億美元進軍巴西外賣市場，而Prosus旗下嘅iFood，正正係當地嘅外平台，亦係Food Panda母公司Delivery Hero其中1位股東。

美團股價今早(3日)受壓，一度低見122.7元，跌2.6%，唔知同Prosus CEO嘅言論有冇關。