【香港仲買唔買到？】美國百年罐頭生產商地捫申破保

【now.com財經】據《彭博》報道，有逾百年歷史嘅美國老牌罐頭生產商地捫(Del Monte Foods)，申請破產保護程序，集團會出售資產及進行債務重組。

至於地捫喺新加坡上市嘅母公司地捫太平洋(Del Monte Pacific)話，今次地捫食品申請破產重組，唔會影響美國以外地區經營運作。Del Monte Pacific股價今日(2日)跌4.6%，報0.061新加坡元。

地捫都係唔少港人嘅集體回憶，今次公司申請破產，香港市民會唔會從此冇得買？本港代理回應本地傳媒查詢時指，暫時冇收到任何指示，現階段一切如常運作。