【股市脈搏】留意裕成科金賣產後有冇後續動作

【Now財經台】裕承科金(00279)股價今日(18日)高開逾2%後，升幅逐步擴大，中午前一度升10%，高見0.044元，成交股數較過去100日平均增逾2倍，但成交金額唔多，暫時不足40萬元。

呢隻仙股嘅大股東來頭唔細，就係新世界發展(00017)前行政總裁兼副主席鄭志剛，持股近75%，有絕對控股權，公司昨晚(17日)宣布以約607萬元，出售旗下持有嘅證監會1號、4號、9號牌嘅裕承環球市場全部股權予執行董事劉富榮，香港穩定幣法案快將實施，持有呢類牌照嘅券商，可能成為日後本港穩定幣市場嘅潛在參與者，要留意呢單Deal會唔會有後續發展。

股價方面，裕承科金今日(18日)輕微突破近期嘅下降軌，鄭志剛入主逾4年都冇大動作，要留意未來會唔會有任何動作。