【股市脈搏】威雅利復牌爆升後要留意...

【Now財經台】停牌10個月嘅威雅利(00854)今日(17日)復牌，股價大幅高開43%，開市約1個鐘，已爆升逾9倍，高見33.2元，創上市新高，收市報12.66元，仍勁升2.8倍，成交金額逾2100萬元，成交股數約150萬股。

集團昨晚(15日)公布完成配股，恢復公眾持股量，公司以每股2.66元，配售1500萬股，集資約4000萬元，完成後，大股東持股量降至74%。

睇返技術走勢，威雅利今日升得咁誇張，之前嘅走勢都冇參考價值，14天相對强弱指標(RSI)迫近100嘅極度超買水平，股價今日升到咁，要留意係咪母公司喺港股平台有大動作。