【股市脈搏】昊天向下炒賣產「慢幾拍」

【Now財經台】昊天國際建投(01341)股價今日(14日)輕微高開，其後走勢急速逆轉，跌幅不斷擴大，午後最多跌逾35%，低見0.232元，直插逾21個月低位，成交股數較過去100日平均飆45倍，成交金額逾15億元。

昊天上周一(7日)收市後公布，出售柬埔寨附屬85%股權，作價9億元，呢家附屬持有當地1個物業發展項目22%權益。集團近年績表現波動，蝕多過賺，呢兩年累計蝕超過6億元。

睇返技術走勢，股價事隔成個星期先有反應，市場似乎有啲後知後覺，但其實已經唔係第一次，公司3月底宣布成立合資後，又係隔咗一個星期，股價突然洗倉式急瀉，雖然股份細隻，但入咗港股通，據券商資料顯示，北水持倉高達34%，今日尾市都見到有北水撈底。