【股市脈搏】結業潮下「酒樓股」環科突飆逾倍

【Now財經台】環科國際(00657)股價今日(3日)低開逾4%後，不久就發力向上，倒升逾1.1倍，高見0.047元，衝上9個月高位，成交股數較過去100日平均激增336倍，暫時成交金額逾100萬元。

環科喺本港經營潮州城及潮觀城中式酒樓，去年收入全部來自酒樓業務，去年業績已有改善，收入錄得輕微增長，虧損就收窄至逾500萬元，毛利率高達71%，遠超另一家酒樓集團稻香控股(00573)嘅5%。

睇返技術走勢，集團股價及成交不時出現異動，但好多次都冇後續消息跟進，雖然環科業績有改善，但唔係根本性好轉，如果今次都係冇消息跟進，只能視為單日大波動。