【槓桿致勝】恒指牛熊證點擺位？

【Now財經台】中美元首會面前，港股波幅收窄，過去兩個交易日，恒生指數高低波幅逾200點，牛證重貨區繼續喺25500點，熊證重貨喺26700點，同現價好近，如果牛證擺25500點夠唔夠安全？

胤源世創家族辦公室(香港)第一副總裁黃偉豪認為，即市角度睇，恒指短期初步支持位，26100點水平，即100天線係即市一個比較關鍵位置，如果企得穩，短期可挑戰26500點至26600點，若博得到，再逐步推上27000點邊緣，反觀100天線未來幾日繼續跌穿，25500點都算係較大嘅支持。

佢又話，如果想揀一啲擺耐少少嘅牛熊證，建議牛證擺25500點以下，熊證就擺27000點以上。