【槓桿致勝】恒指牛熊證點擺位？

【Now財經台】恒生指數今朝(14日)高開後，反覆向下，好淡倉資金方面，好倉昨日(13日)流入1.2億元，5日合計有約3.7億元坐貨，淡倉連續6日有投資者食糊，5日合計有1.9億元資金離場。此外，牛證重貨區下移至25200點，亦係最多人加倉嘅位置，熊證重貨區喺26600點，亦係最多人加倉嘅位置。依家市場都對中美貿易戰升溫有憂慮，後市應該點部署？

胤源世創家族辦公室(香港)第一副總裁黃偉豪指，牛熊證重貨區同現價有500點以上的距離，做即日部署可以考慮，但要擺過夜嘅話距離唔足夠，依家大市波幅大，短期仍受市場上時好時壞嘅消息影響，建議部署牛證嘅位擺27000點位置，博大市唔再反彈嘅可以睇25500點以下部署。