【槓桿致勝】恒指牛熊證點部署？

【Now財經台】恒生指數今早(27日)低開後，走勢反覆，好淡友齊齊坐貨，好友普遍較貼，重貨區較現貨有400點距離，淡友都算進取，加倉揀到最貼，睇好及睇淡大市應該點部署？

胤源世創家族辦公室(香港)第一副總裁黃偉豪指，港股暫時走勢較反覆，市場觀望美國總統特朗普(Donald Trump)嘅關稅動作，例如針對歐盟嘅關稅「彈出彈入」。此外，港股過去兩個月由低位反彈後，形成上落格局，冇明確方向，所以擺位都要睇返個人策略。

Ravi續指，如果想做即市部署，建議擺貼啲，博兩邊發力之餘又冇大突破，如果做過夜部署，建議距離重要關口遠少少。佢又話，恒指即市支持位睇50天線，即21800水平，若好友想博牛證，收回價擺22800點以下較好，至少冇即時收回風險，如果博熊證，建議收回價擺24000點以上。