【槓桿致勝】大市牛皮拉扯可反手部署熊仔

【Now財經台】恒生指數今早(22日)高開30點，開市即升穿25000關，但其後走勢轉差及倒跌，跌至24900點邊緣。好倉昨日(21日)繼續有資金流出，涉及約1740萬元，淡倉則連續兩日有資金流入，昨日流入約3400萬元。此外，牛證重貨區喺23600點，最多人加倉係24500點。熊證重貨區就上到25300點，最多人加倉係25500點。恒指昨日一度升上25000點，但之後企唔穩，見到牛證資金多咗，熊證重貨喺25300點，有冇咩啟示？

大唐資本投資策略部總監盧志明指，呢啲都係重要嘅關口，25300點係有一啲代表性，睇返5月及6月，每一次嘅頂部位置相對之前都有一個韻律喺度，最近兩轉都觸及50天線後再彈返上去，都係差不多1600點，睇返兩星期前，即25250至25300點，呢個正正係牛熊證分布重點位。

Ken又話，呢啲位可能有投資者博短線調整，現階段係一個牛皮拉扯格局，如果買咗牛證，相信都會喺25300點水平先食糊，可以考慮反手部署熊證，因為...