【專家分析】梁偉民:內地今季及下季GDP有隱憂

【Now財經台】內地第2季國內生產總值(GDP)、零售、固定資產投資及工業生產數據，今早(15日)就會出爐，其中，上季GDP預期按年增長5.1%，低過首季嘅5.4%，其他數據都會差過5月。美國將會喺8月1日向各國徵收新關稅，對內地第3季經濟增長有幾大影響？

嘉賓高富金融集團投資總監梁偉民指，雖然第2季GDP已受貿易戰影響，但未完全反映，因為貿易戰主要影響4月經濟表現，當時關稅加到145%，令美國零售商入唔到貨，導致內地4月經濟表現好差，去到5月中美互相大減關稅，美國零售商喺5月及6月開始向內地大手入貨，令上季GDP表現唔會太差。

Wyman又指，當美國零售商補夠貨就會停，所以瘋狂入貨情況之後可能會消失，加上經濟唔明朗及國內經濟疲弱，佢比較擔心第3季末及第4季GDP表現。